fbpx

Објавени наградените книги на конкурсот „Јован Котески“ и „Крсте Чачански“

-

Културниот центар „Бран“ од Струга ги објави првонаградените книги од 5. конкурс „Јован Котески“, за необјавена збирка поезија, и „Крсте Чачански“, за необјавена збирка кратки раскази.

Наградата „Јован Котески“ ја доби поетот Славчо Кавиловски за книгата „Барутна поезија“, додека „Помен за едно време“ од Добре Тодоровски е годинешниот лауреат на наградата „Крсте Чачански“.

Стихозбирката „Барутна поезија“ е поделена во три циклуси: „Барутни песни“; „Компјутерски песни“ и „Пепелни песни“. Во сите песни од оваа книга преовладува иронијата, сарказмот, хуморот, сатирата и пародијата, а, всушност, авторот испишува книга за совремието, актуелноста и за егзистенцијата овде и сега.

Книгата „Помен за едно време“ од Добре Тодоровски ја издвојуваат раскази кои се во елегичните бои на минливоста. Тие претставуваат исечоци од интимниот дневник на писателот и носат изворни белези.

Промоција на наградените книги и доделувањето на наградите на добитниците ќе биде на 3 јули во Центарот на култура „Браќа Миладиновци“ во Струга, во рамките на меѓународниот фестивал „Струшки книжевни средби – 2015“. Промотори се Христо Петрески и Марина Мијаковска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...