Салман Абеди е идентификуван како осомничен за самоубиствениот бомбашки напад на концерт во Манчестер во кој загинаа 22 лица, а 59 беа повредени.
Британските медиуми денеска објавија фотографија од 23-годишниот Абеди за кој британската премиерка Тереза Меј потврди дека е роден и пораснал во Британија.
Абеди е од Манчестер, а родителите му се со либиско потекло. Неговите родителите емигрирале од Либија во Лондон а потоа се преселиле во јужното предградие на Манчестер, каде што живееле најмалку 10 години.
Полицијата истражува дали Абеди патувал во Либија и дали имал контакти со Исламска држава.
Францускиот министер за внатрешни работи, Жерар Коломб изјави дека верува дека бомбашот самоубиец кој го извел нападот во Манчестер престојувал во Сирија и дека имал врска со Исламска држава.
#SalmanAbedi the #SuicideBomber of #IslamicState killed 22 people and #mankind – his story… https://t.co/Oy7UVegmTp pic.twitter.com/YRnbTjGwrv
— Suchetana Ghosh (@suchetanaKghosh) May 24, 2017