Како последица на обилните врнежи изминатите неколку денови, реката Сена денеска се излеа преку поставените насипи и поплави делови од главниот град на Франција.
Поплавени се и други делови од државата, а спасувачките служби извршиле повеќе од осум илјади операции за спасување во близина на границата со Белгија.
Поради зголеменото ниво на водата на реката, затворени се патиштата по должината на брегот на Сена, од југозападниот дел на градот до областа околу Ајфеловата кула.
Градските власти ги предупредија жителите и посетителите да бидат внимателни во близина на брегот бидејќи водостојот ќе продолжи да се зголемува.
Националната метеоролошка служба синоќа прогласи тревога во северните области и портокалово предупредување во пет департмани поради поплави.
Се очекуваа оваа состојба да потрае до петок.
