Денес е пријавена поставена лажна Дневна паркинг карта (ДПК) при која се злоупотребени дизајнот и логото на ЈП Паркинзи на Општина Центар, соопштија од оваа инститиција.
На картата стоел QR код кој треба да се скенира и да се изврши онлајн уплата за истата.
„Кодот води кон веб-адреса која нема поврзаност со ЈП ПОЦ и има за цел преку измама да се извлечат парични средства“, велат од ЈП Паркинзи.
Оттаму ги замолуваат граѓаните да бидат внимателни и доколку забележат ДПК од овој тип веднаш да го известат претпријатието.
Единствената веб-адреса за онлајн наплата на ДПК на претпријатието е https://users.poc.mk/PayDpk.
„Од наша страна во моментов се преземаат мерки за пријави до надлежните органи и информирање на јавноста со цел заштита на граѓаните“, велат од ЈП Паркинзи на Општина Центар.
