fbpx

Обама: Нема да испратам копнени сили против ИСИС

-

Американскиот претседател Барак Обама повтори дека не сака да испраќа копнени сили во борбата против борците на Исламска држава. Тој наведе дека секогаш постојат околности во кои САД би морале да распоредат копнени сили.

Обама наведе дека, хипотетички, ако борците на ИСИС дојдат до нуклеарно оружје, Вашингтон во такво сценарио нема да се двоуми да нареди американската војска да оди во борба.

– Прашањето, всушност, завршува со тоа какви се околностите. Сега почнуваме, заедно со нашите неверојатни сојузници, како што е Австралија, да ги обучуваме ирачките безбедносни сили да си ја вршат својата работа на теренот – рече Обама.

Истовремено, Обама ја отфрли можноста за каква било коалиција со сирискиот претседател Башар ал-Асад против ИСИС, тврдејќи дека сирискиот претседател не е легитимен и дека таквиот пакт би бил меч со две острици.

– Ал-Асад немилосрдно уби стотина илјади свои граѓани. Како последица на тоа, тој целосно го изгуби легимитетот. За нас, здружувањето со него во заедничка борба против ИСИС би значело свртување на уште повеќе Сунити во Сирија кон ИСИС, а со тоа би се ослабела нашата коалиција против ИСИС – рече Обама.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Оживува пропагандата за непостоечка продажба на органи од украински војници

Проверувачи на факти од Украина веќе пишуваат дека ова видео претставува дел од руската пропаганда. Центарот за борба против дезинформации објавува на Фејсбук дека станува збор за невистина. Во...