fbpx

Нуланд ги почна средбите – нема детали за разговорите

-

Помошничката на американскиот државен секретар за Европа и за Евроазија, Викторија Нуланд, утринава се сретна со шефот на македонската дипломатија, Никола Попоски, лидерот на ДУИ, Али Ахмети, а во тек е средба со лидерот на СДСМ, Зоран Заев.

Засега не се откриваат детали од досегашните средби, но како што претходно беше најавено од американската амбасада во Скопје, Нуланд на политичките лидери ќе им порача дека договорот од 2 јуни останува основа за политичка разврска на кризата.

„САД и ЕУ работеа заедно со политичките лидери во Македонија за да се оствари договорот од 2 јуни, според кој, партиите ќе ги стават интересите на земјата во прв план и ќе се посветат на евроатлантскиот процес и на демократските принципи“, се вели во одговорот на Амбасадата.

Посетата на Нуланд доаѓа по изјавата на лидерот на опозицијата дека преговорите, кои се водеа со посредништво на ЕУ и на САД, се неуспешни.

Средбите со премиерот Никола Груевски и со лидерот на ДПА, Мендух Тачи, допрва треба да се одржат. Засега не се знае дали Нуланд и Груевски по средбата ќе имаат заедничка изјава.

Нуланд попладне ја завршува посетата, а пред да замине, ќе даде и интервју за телевизијата „Алсат-М“, кое дополнително ќе биде објавено.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Кривични пријави за шестмина инспектори зашто не пломбирале „диви“ менувачници на Бит пазар

Против шест лица С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), државни пазарни инсектори, се поднесени кривични пријави за сторено кривично дело „злоупотреба на службена положба и овластување“, информира Министерството за...