Во сјајот на бисерното езеро, во сенка на Самоиловите ѕидини и на снежните планински врвови, како сведоштво на културните натпревари на цивилизациите, живее колепката на словенската писменост – Охрид, пишува српскиот портал „Новости“ (novosti.rs).
„Стариот дел од градот има свој амфитеатар, неколку десетини православни цркви, амам и многубројни работилници за стари занаети. Љубезните домаќини ќе ве пречекаат во секој сокак, пред рестораните, кафе-баровите, музеите“, пишува порталот за Охрид.
Во написот се потсетува дека бистрото езеро е старо 2,5 милиони години и над него се надвиваат повеќе од 200 православни цркви, па затоа не е чудно што Охрид го викаат и балкански Ерусалим.
