Ноќеска во полициската станица Центар, кумановец пријавил дека новороденчето што на свет го донела неговата снаа, починало неколу часа по раѓањето.
Како што информираат од МВР, ноќеска, околу 2 часот, во полициската станица Центар во Скопје, 54-годишниот Н.Н. од Куманово пријавил дека во понеделникот вечерта во 22 часот, на одделот за гинекологија во кумановската болница била породена неговата снаа А.Г., која родила машко бебе.
Поради одредени здравствени причини, со возило на итна помош, новороденчето, во присуство на медицинска сестра и на доктор, било транспортирано до Клиничкиот центар во Скопје, на одделот за детски болести, каде околу 23.55 частот од дежурниот лекар било констатирано дека бебето било донесено починато.
Од МВР велат дека полицијата презема мерки за расчистување на случајот.
