Двајца ерменски војници се убиени во судирите во Нагорно-Карабах.
И ерменската и азербејџанската страна меѓусебно се обвинуваат за прекршување на примирјето кое беше договорено на 5 април.
Ерменското министерство за одбрана соопшти дека Азербејџан гранатира воени и цивилни цели на територија на Ерменија.
Азербејџан, пак, тврди дека само возвратиле откако ерменските сили ги гранатирале нивните позиции во Нагорно-Карабах.
Баку и Ереван веќе со години спорат околу Нагорно-Карабах. Сепаратистите, поддржани од Ерменија, на почетокот од 90-тите години на минатиот век го зазедоа регионот во кој живее мнозинско азербејџанско население.
Во последните судири, кои избија на 2 април, загинаа 30 лица.