Свечена изјава во Собранието на Република Македонија денеска дадоа новите членови на Државната комисија за спречување на корупцијата.
Нови членови на Државната комисија за спречување на корупцијата се: Горан Миленков, адвокат од Скопје, Игор Тантуровски, доктор на економски науки од Скопје, Најдо Спасевски, адвокат од Скопје, Сузана Таскова-Аџикотарева, магистер по казнено право од Скопје, и Жаклина Данчевска, магистер по деловно право од Прилеп.
Новиот состав на Државната комисија за спречување на корупцијата беше изгласан на вчерашната собраниска седница, а во новите редови останаа само двајца членови од стариот состав. Тоа се Сеиди Халили, дипломиран економист од Тетово, и Фарије Алиу, доктор на економски науки од Гостивар.