По оставката на Себастијан Курц, министерот за надворешни работи, Александар Шаленберг, положи заклетва со што стана новиот канцелар на Австрија, пренесе Ројтерс.
Курц претходно изјави дека „неговата оставка е привремена и дека планира да се врати на функцијата кога обвинувањата на обвинителството ќе се покажат како неосновани.“
Тој и уште деветмина, вклучително и високи соработници, беа под истрага минатата недела под сомнение за различен степен на кршење на довербата, корупција и поткуп за плаќање позитивно медиумско покривање и манипулации со гласање за да се отвори патот за неговиот политички подем од функцијата министер за надворешни работи во 2016 година.
Претседателот Александар Ван дер Белен рече дека владата треба да ја врати довербата на јавноста потресена од истрагата.
„Сите очекуваме дека владата сега ќе се врати на работа и заедно ќе ги придвижи работите“, рече претседателот Александар Ван дер Белен“, рече австрискиот претседател.
