Самостојниот синдикат на новинари на Македонија целосно го поддржува студентскиот протест најавен за петок, насочен против државниот испит во високото образование, кој власта се обидува да го наметне набрзина и без јавна дебата. ССНМ ги повикува новинaрите при инфoрмирањето за протестот да се борат против цензурата и автоцензурата со која се соочуваат во своите редакции.
– Членовите на „Студентски пленум“ не треба да се откажуваат од досегашниот начин на борба, мирно и аргументирано да ги соопштуваат ставовите, иако властите се оглушуваат на нивните аргументи и бегаат од соочувања со студентите. ССНМ ги повикува своите членови, новинари и медиумски работници, својата солидарност да ја искажат со тоа што ќе им се придружат на студентите и на професорите што ќе протестираат, а при информирањето ќе се придржуваат на професионалните принципи, ќе ја одбијат наметнатата пропаганда што се коси со професионалната етика и ќе се борат против цензурата и автоцензурата со која се соочуваат во своите редакции – се вели во соопштението од ССНМ.
