Многу значајни информации за излегувањето на нови игри ни доаѓаат периодов, за коишто сме сигурни дека владее огромен интерес меѓу гејмерите во земјава.
Па така, GTA трилогијата добива ремастер. Се работи за игрите GTA 3, GTA Vice City и GTA San Andreas, кои ќе излезат во најнови модерни верзии на 11-ти ноември.
Од овие три игри најголемо внимание добива GTA San Andreas каде играте афроамериканец во гето. Оваа игра своевремено беше меѓу најиграните GTA игри поради тоа што за прв пат можеше од слаб лик со вежбање во теретана во играта да го направите билдер, да се тетовира ликот, да оди на бербер за различни фризури и слично, а и самата игра беше динамична и интересна. Сите игри од трилогијата добиваат нов систем за осветлување, текстури со поголема резолуција и надградени карактери и нов изглед на повеќе возила.
God of War ќе излезе на 14-ти јануари за PC и ќе чини 50 долари. Како претходна PS екслузива ќе бара солиден компјутер, којшто може да поддржи многу јака графика, поаѓајќи од фактот дека има 4K графика со динамично осветлување и отклучен “фрејмрејт”.
Според најновиот “протекување” од Nvidia GeForce Now, преку “дата мајнинг” се откри голема листа на игри што следат. Од Nvidia демантираат и велат дека се работи за шпекулирање, меѓу првите набројани беа и GTA трилогијата и God of War за PC. Други набројани игри за кои не се сигурни информациите дека ќе излезат за конзоли се: Dragon’s Dogma 2, Demon Souls, Horizon Zero West, Half Life 2 remaster и многу други.
Од 4-ти до 11-ти Ноември ќе има бета евент за Lost Ark. Можете да купите Founders Pack, којшто гарантира пристап до бетата или да се пријавите на главниот сајт, при што постои шанса да ве изберат за бетата.
