Министерството за здравство (МЗ) ги соопшти новите податоци за ковид-епидемијата во земјава, според кои од петокот попладне до недела во земјава биле направени 1.308 тестови, а регистрирани биле 254 нови случаи на ковид-19.
Од нив во Скопје биле регистрирани 143, во Битола 22, во Охрид 11 и во Куманово 10. Во останатите градови бројките се помали од 10 нови случаи.
Од вкупниот број позитивни (254), регистрирани се 61 реинфекции.
Бројката на оздравени пораснала за 412, а бројката на починати за четири лица. Починатите се од Скопје (76г), Пробиштип (62г), Велес (88г) и Виница (86г). Сите лица се починати во болнички услови. Согласно Регистарот на умрени лица со дијагноза ковид-19 од Мој Термин нема регистрирано пациенти што починале од ковид-19 во изминатиот период..
Досега во земјава се направени вкупно 2.154.094 тестирање за ковид-19. Вкупната бројка на утврдени случаи изнесува 340.948, бројот на оздравени пациенти е 330.153, на починати е 9.499, а бројот на активни случаи изнесува 1.296.
