fbpx

Нови 193 случаи на ковид-19 од 1.391 тестирање, починаа 9 лица

-

Министерството за здравство информира дека во последните 24 часа се направени 1.391 тестирање, а регистрирани се 193 нови случаи на ковид-19. Од нив во: Скопје  140, Куманово 2, Дебар 1, Штип 6, Тетово 19, Струга 5, Велес 2, Охрид 11, Гостивар 4, Свети Николе 1 и Ресен 2 случаја.

Институтот за јавно здравје денеска регистрира 46 оздравени пациенти, од Скопје 35 и по еден од Куманово, Тетово, Струга, Гостивар и Валандово, а 6 од Штип.

Починати се 9 лица, пет од Скопје, двајца пациенти од Куманово, еден пациент од Тетово и еден од Охрид.

На Клиниката за инфективни болести и фебрилни состојби починаа три лица од Скопје на возраст од 78 и 47 години, хоспитализирани на 4 односно 7 јуни и пациентка на 85 години, хоспитализирана на 9 јуни. Во ГОБ „8 Септември“ починаа четири лица, двајца од Скопје на возраст од 69 и 67 години, хоспитализирани на 9, односно 15 јуни, пациентка од Куманово на 67 години, примена на 2 јуни и пациент од Тетово на 61 година, примен на 2 јуни. Во Општа болница (ОБ) Куманово почина пациент на 81 година, хоспитализиран на 3 јуни, а во ОБ Охрид пациент на 83 години, примен во болницата на 8 јуни.

Вкупната бројка на ковид-19 дијагностицирани од почетокот на епидемијата изнесува 4.482, на оздравени пациенти е 1.803, а на починати е 210. Бројот на активни случаи во земјата изнесува 2.469.

Од направените 1.391 тест, денеска нема тестирања во рамките на скринингот.

На Инфективната клиника во изминативе 24 часа примени се 15 пациенти, 7 се префрлени од ГОБ „8 септември“. Вкупно се хоспитализирани 95 лица. На кислородна поддршка се 43, а нема на механичка вентилација.

До утрово, во ГОБ „8 Септември“ примени се 20 нови, а вкупно се хоспитализирани 109 пациенти. На респираторна машина се 7, a со потешка клиничка слика 30. Во болницата во Битола се хоспитализирани 29 пациенти, а во болницата во Штип 21 пациент. На инфективните одделенија во Тетово, Охрид, Велес, Куманово и Прилеп има 74 пациенти, позитивни и сомнителни на ковид-19.

Активни случаи во Скопје, по општини, заклучно со вчера најмногу има во Чаир, 306, во Аеродром има 119, во Бутел 106, во Гази Баба и во Центар по 114, во Карпош 100 и во Сарај 95.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...