fbpx

Новата влада ќе гради патишта, а Груевски ќе прави увид во доказите за перење пари

-

СДСМ реагираше на денешните изјави на претседателот на ВМРО-ДПМНЕ, Никола Груевски, при денешната посета на автопатот Миладиновци – Штип, за кој СЈО денеска покрена нов случај, „Траекторија“. СДСМ порача дека Груевски ќе може да прави увид само во доказите против него за перење пари и за милионски провизии, а новата реформска влада ќе гради патишта.

„Новата реформска Влада ќе изгради модерна и безбедна патна инфраструктура според сите законски и современи процедури во интерес на граѓаните на Република Македонија. Никола Груевски ќе прави и увид и отчет за доказната документација против него, посебно што и официјално се сомничи за перење пари како и за 25 милионската провизија само за автопатот Миладиновци – Штип, за којашто слушнаа граѓаните во проектот Вистината за Македонија. Појавувањето на Груевски на автопатот за којшто тој се товари за местење тендер е одраз на фактот дека виновникот секогаш се враќа на местото на кое го сторил делото“, порача СДСМ.

Партијата посочи на неправилно изградени автопати и порача дека ВМРО-ДПМНЕ мора да се огради од Никола Груевски и „криминалното раководство“ на партијата.

„Тоа што само во последното деноноќие има две сообраќајни несреќи на патишта поради тоа што нема наместени мрежи за животни, а Груевски договарал милионски провизии по автопат што ги сместувал на своите сметки, ја покажува огромната негрижа на овој човек за граѓаните цели 10 години. Неопходно е чесните и одговорни членови, поддржувачи и пратеници на ВМРО ДПМНЕ да се оградат од непресметливите потези на Никола Груевски и на криминалното раководство на партијата и како конструктивна оппзиција, во интерес на државата и граѓаните да ги поддржат потребните реформи што ќе ги спроведе новата Влада“, стои во соопштението на СДСМ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...