fbpx

Нова кривична пријава против деветмина учесници во насилствата во Собранието

-

Секторот за внатрешни работи Скопје поднел нова кривична пријава против девет лица од Скопје, Кочани и од Кичево, осомничени за учество во насилствата во Собранието на Република Македонија од 27 април оваа година, соопшти денеска МВР.

Осомничените се товарат за учество во толпа што ќе спречи службено лице во вршење службено дејство, напад врз службено лице при вршење работи на безбедноста и за учество во толпа што ќе изврши кривично дело.

Според МВР, осомничените на 27 април заедно со други лица, против кои веќе се поднесени кривични пријави, како и со поголема група засега неидентификувани лица, откако го пробиле полицискиот кордон пред Собранието, влегле внатре, го демолирале ходникот и нападнале тројца полицајци од внатрешното обезбедување на Собранието. Потоа, тие влегле во салата број 3, каде физички ги нападнале пратениците Зоран Заев (сега премиер), Зијадин Села, Радмила Шекеринска (сега министерка за одбрана), Оливер Спасовски (сега министер за внатрешни работи) и други пратеници од СДСМ, ДУИ и од Алијанса за Албанците.

СВР Скопје, се додава во соопштението на МВР, и понатаму презема мерки и активности во врска со настаните од 27 април за „обезбедување на преостанатите кривично пријавени лица, како и за идентификација и за документирање и на други лица учесници во настаните“.

МВР досега поднесе кривични пријави против повеќе од 30 лица, а деветмина од нив се осудени на условни казни.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Од понеделник субвенционираниот студентски оброк ќе се исплаќа на неделна основа

Од 1 март се менува начинот на кој се исплаќа субвенционираниот студентски оброк. Наместо на дневна основа, од понеделник паричните средства за оваа мерка ќе се исплаќаат одеднаш за шест...