Македонскиот туристички центар Охрид, на почетокот на 2015 година доби нов сместувачки капацитет на атрактивна крајезерска локација во центарот на градот. Станува збор за хотелот „Сити палас“, кој располага со стотина легла и со прекрасен крајезерски ресторан.

Охрид деновиве се очекува да биде исполнет со гости од Грција и од Бугарија, кои традиционално доаѓаат за Божик, а се очекува и поголем број домашни туристи.

Најави за туристи има и за Стара нова година и тоа претежно од соседството. Туристичките работници најголема исполнетост очекуваат за празникот Богојавление – Водици, кој најмасовно се одбележува токму на брегот од Охридско Езеро.
Празничната програма ќе биде распоредена во четири дена, а хотелиерите ќе нудат аранжмани со попусти од 30 до 50 отсто.