„Мајкрософт“ го лансираше „лумиа 535“, новиот паметен телефон кој не е со логото на „Нокиа“, туку од заедната страна го има логото на „Мајкрософт“.
„Лумиа 535“ има екран од пет инчи, резолуција од 960 х 540 пиксели, четиријадрен процесор од 1.2GHz и еден гигабајт рам-меморија. Задната камера на телефонот има пет мегапиксели, исто како и предната, која има широкоаголен објектив.
Телефонот тежи 146 грама и има димензии 140 х 72 х 8,8 милиметри.
Цената на новата „лумиа 535“ изнесува 110 евра, односно 130 долари што е зголемување во однос на предходната „лумиа 530“, која се продаваше за 114 долари. Паметниот телефон ќе се продава во црна, бела, сива, сина, портокалова и во зелена боја.
