fbpx

„Ноемвриска трка 2022“ во Гевгелија, Поп Арсова и Хајдари победија на 10 километри

-

По втор пат, во Гевгелија денеска се одржа атлетската трка „November Run Gevgelija 2022“, која се организира по повод општинскиот празник – 7. Ноември, ослободувањето на Гевгелија. На трката учествуваа над 1.500 натпреварувачи, во машка и женска категорија.

На 10 километри во женска конкуренција, најдобро време оствари Андријана Поп Арсова од Македонија (34:02), додека најбрз во машка конкуренција беше Муса Хајдари од Албанија кој ги истрча 10-те километри за 31 минута и 59 секунди.

На атлетската трка на 5 километри, првото место го освои Магдалена Станковска (21:14), додека во машка конкуренција најбрз беше Астрит Криезиу од Косово кој стигна на целта за 15 минути и 55 секунди.

Инаку, организаторите на атлетската трка имаат предвидено парични награди за петте најбрзи учесници во трката на 10.000 метри, во машка и женска категорија, и тоа за прво место – 18.000 денари, второ место – 12.000 денари, трето место – 9.000 денари, четврто место – 6.000 денари и петто место – 3.000 денари.

Парични награди се обезбедени и за трите најбрзи учесници во трката на 5.000 метри, во машка и женска категорија, и тоа за прво место – 3.000 денари, второ место – 2.000 денари и за трето место место – 1.000 денари.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Марш за видливост на трансродовите лица утре пред Влада

Граѓанската иницијатива за заштита и унапредување на правата на трансродовите лица „ТрансФормА“ соопшти дека во пресрет на 31 март, Меѓународниот ден за видливост на трансродовите лица, утре со почеток...