fbpx

Низа обвинувања по соборувањето на американски дрон од Русија над Црно Море

Џон Кирби, портпарол на Националниот совет за безбедност во Белата куќа изјави дека САД оперираат во меѓународните води, додавајќи дека Црното море е дел од меѓународните воздушни граници и дронот се наоѓал во тој простор

-

Американските власти ја обвинија Русија дека мора да го почитува меѓународниот воздушен простор откако дрон на војската на САД се урна во Црното Море кој претходно бил намерно оштетен од руски воени авиони, пишува Би-би-си. Според тврдењата на американската војска, пред дронот летал авион „Сухој-27“ и намерно исфрлил гориво, по што се судрил со дронот што предизвикало оштетување на пропелер на дронот и негово уривање во Црното Море, пренесува Си-Ен-Ен.

Американската војска информира дека два руски авиони летале во близина на дронот околу 30-40 минути пред инцидентот. Воедно, тие соопштија дека по инцидентот самиот дрон не можеле да го контролираат и морале да го приземјат во Црното Море, а судирот најверојатно предизвикал и оштетување на рускиот авион. Русија демантира дека нивни авиони оствариле било каков контакт со дронот.

За да протестира за ваквиот инцидент, САД го повикаа рускиот амбасадор Анатолиј Антонов во Стејт департментот, за на високо ниво го пренесат американскиот став откако американскиот дрон се урна во Црно Море.

Воедно, Џон Кирби, портпарол на Националниот совет за безбедност во Белата куќа изјави дека САД оперираат во меѓународните води и ќе продолжат да го прават истото и во иднина, додавајќи дека Црното Море е дел од меѓународните воздушни граници и дронот се наоѓал во тој простор.

Рускиот амбасадор во САД, Антонов изјави дека официјална Москва смета дека инцидентот со дронот бил „провокација“ и неприфатлива активност на американската војска во близина на нејзината граница. Американските власти пак ги предупредија руските власти дека вакви инциденти „може да доведат до погрешна пресметка и ненамерна ескалација“.

САД додаваат дека веќе имало „шема на опасни дејствија од страна на руските пилоти“, во интеракција со сојузничките авиони во овој регион. Ова значи дека соборувањето на дронот би можело да биде и резултат на грешка на руски пилот кој премногу се доближил додека го „зумирал“ дронот. Сепак, ако ова бил намерен напад врз американскиот дрон од руски воен авион, тогаш аналитичарите за Би-би-си велат дека тоа би претставувало огромна провокација и значителна ескалација во односите меѓу САД и Русија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...