fbpx

Николовски: Се прави попис на земјоделците заради агитација

-

Луѓето на Груевски, поставени на раководни места во институциите, наместо во служба на земјоделците, имаат една единствена задача, да агитираат за ВМРО-ДПМНЕ и да ги држат земјоделците во заложништво, изјави денеска дополнителниот заменик-министер за земјоделство, шумарство и водостопанство, Љупчо Николовски.

Според Николовски, вработените во Агенцијата за поттикнување на развојот на земјоделството, со седиште во Битола, сакале да прават своевиден попис кај земјоделците.

– Директорот на оваа агенција, надвор од законот, дал писмени инструкции до советниците да одат на терен и да почнат да прибираат податоци од земјоделците за целокупната нивна имотна состојба, и тоа почнувајќи од лични контакти, телефонски броеви, што работат, што произведуваат и какви им се плановите. По налог на директорот, советниците ги прибираат и сите податоци за земјоделските производители, поврзани со апликации за земјоделски субвенции и за други програми на владaта, како и за земјоделска земја под закуп – изјави Николовски.

Тој упати порака до земјоделците  да не подлегнуваат на ваквите притисоци.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...