Со изложба на фотографии на Ник Кејв од белградскиот фотограф Немања Ѓорѓевиќ започнува осмото издание на фестивалот „Скопје Синема Сити“. Изложбата ќе се одржи на 29 јуни, во галеријата на КИЦ-Скопје со почеток во 19 часот.
Филмската програма на фестивалот за музички документарни филмови „Скопје Синема Сити“, пак, ќе се отвори со проекција на документарниот филм „Ник Кејв: 20,000 денови на земјата“ во режија на Јан Форсајт и Џејн Полард на 30 јуни во летното кино „Мирно лето“ во Кинотека на РСМ.
Фестивалот е поддржан од Агенцијата за филм, Министерството за култура на РСМ, Кинотека на РСМ, Културно информативниот центар, Здружение на Србите во Македонија „Спона“, а во организација на здружението „Номад-Арт“.