Денеска, во 12 часот, на Универзитетот на Југоисточна Европа во Тетово (Бизнис-центар на универзитетот), министерот за економија Беким Незири ќе се обрати на бизнис-средбата на компаниите од полошкиот регион и на претставниците на Унгарска национална трговска куќа. На средбата, Унгарската национална трговска куќа ќе ги претстави можностите за соработка со бизнисмените од Стопанската комора на Северозападна Македонија, односно компаниите што работат во регионот, за проширување на деловната соработка со унгарските фирми или заеднички настап на трети пазари.
На настанот, покрај министерот Незири, ќе присуствуваат и амбасадорот на Република Унгарија, Н.Е. Јожеф Бенце, градоначалничката на општина Тетово, Теута Арифи, претставници на Унгарска национална трговска куќа и фирми-членки на Стопанска комора на Северозападна Македонија.
