fbpx

Незири: Доделивме 12 милиони денари за претпријатијата

-

Во програмата за конкурентност, иновации и претприемништво за 2014 година, релизирани се проекти во вкупен износ од 11.690.000 денари, наменети за директна поддршка на деловните субјекти за активности, насочени кон подобрување на конкурентноста на компаниите и на нивните производи и услуги, истакна на денешната прес-конференција министерот за економија Беким Незири.

– Годинава се поддржани вкупно 47 претпријатија, пет бизнис-идеи, десет фондации, односно здруженија на граѓани, четири иноватори и пет проекти на кластерски здруженија со вкупно околку 12 милиони денари. Оваа поддршка ќе биде двојно поголема следната година, преку мерки креирани во соработка со бизнис-заедницата за да им овозможиме на деловните субјекти полесно да ги остварат зацртаните бизнис-цели – истакна министерот Незири.

Портпаролот на Министерството за економија, Наим Вренези, детално ги претстави конкретните мерки од програмата, која се состои од трите потпрограми – Поддршка на развој на мали и средни претпријатија, Имплементација на индустриска политика и Поддршка и развој на кластерското здружување.

-Во рамки на потпрограмата за поддршка на развојот на малите и средни претпријатија, во износ од 8.890.000 денари, врз основа на различните мерки, кофинансирани се вкупно 39 претпријатија во вкупен износ од околу 6.000.000 денари, пет бизнис-идеи, во вкупен износ од 800.000 денари и десет фондации, односно здруженија на граѓани, во вкупен износ од 992.400 денари – информираше Вренези.

Со потпрограмата за имплементација на индустриската политика во 2014 година беа обезбедени 1.200.000 денари, а поддршка досега имаат добиено осум компании и четири иноватори. Компаниите имаа можност да аплицираат за развој на деловен субјект, развој на производ и развој на пазар, а иноваторите за поддршка на патенти, а во рамки на потпрограмата за поддршка и развој на кластерското здружување во Република Македонија во 2014 година, 1.600.000 денари беа доделени на пет кластерски здруженија кои поднесоа најдобри проекти за развој на кластерското здружување.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Со манипулативни изменети видеа се исмеваат францускиот и украинскиот претседател

Првото видео наводно го прикажува Макрон меѓу млади посетители во ноќни клубови кои танцуваат во стилот на 80-тите години. Станува збор за манипулирана верзија на клип на кој се...