Нетфликс објави повик за учесници за реално ТВ шоу инспирирано од неговата најпопуларна серија на сите времиња – „Squid Game”, пренесува Би-би-си.
Во реалните игри, сепак, нема да станува збор за прашање на живот или смрт, како што е прикажано во познатата јужнокорејска дистописка драма. Наместо тоа, 456 регрути од целиот свет ќе играат игри инспирирани од оние во серијата, а најлошото што може да им се случи е да си заминат дома со „празни раце“.
Претходно, Нетфликс потврди дека популарната серија „Squid Game“ ќе биде обновена со втора сезона.
Реалното шоу „Squid Game: The Challenge“ ќе брои десет епизоди и како што вели Нетфликс, ќе ја понуди „најголемата актерска екипа и еднократна парична награда во историјата на реалните ТВ шоуа“.
Учесниците треба да имаат најмалку 21 година, да зборуваат англиски јазик и да бидат достапни до четири недели на почетокот од 2023 година за време на снимањето.
Do you want to play a game? Enter to join Squid Game: The Challenge at https://t.co/MaXfZnqmvb pic.twitter.com/6gYLXlplDC
— Netflix (@netflix) June 14, 2022
Јужнокорејската трилер серија ја раскажува приказната за луѓе оптоварени со долгови, кои се натпреваруваат за огромна парична награда во смртоносна серија од детски игри. Серијата го држи рекордот како најпопуларна серија на Нетфликс на сите времиња, а ја изгледале 111 милиони корисници во првите 28 дена од нејзиното лансирање.
Јужнокорејската „Squid Game“ може да стане најгледана серија на Нетфликс досега
