Неприлагодена брзина на возот, можна причина за несреќата во Хитрино

-

Неприлагодена брзина на возот при влез во железничката станица е една од можните причини за несреќата во Хитрино, во која воз излета од шините и настана експлозија на превезуваниот гас, јавува дописничката на „Мета“ од Бугарија.

Причината за несреќата денеска ја соопштил Станко Станков, сопственикот на компанијата „Булмаркет“, која го превезувала гасот, а истата била потврдена и од истрагата на црната кутија во првата локомотива. Црната кутија на втората локомотива ќе се декодира денеска.

Според Станков, возот се движел со брзина од 70 километри на час, наместо дозволените 40 километри на час.

Станков ги отфрлил обвинувањата дека приватните превозници ги преоптоваруваат возовите и возат пребрзо, непочитувајќи ги правилата за безбедност.

„Имаме искуство во железничкиот превоз повеќе од 10 години и никогаш не сме ги прекршиле правилата. Контролата од страна на институциите е многу строга. Ние немаме интерес за да ги прекршуваме правилата, лиценцата за работа не се дава лесно,“ изјави Станков.

Тој информирал дека ќе има внатрешна истрага за инцидентот, а веќе разговарале со машиновозачите кои изјавиле дека возот се движел со голема брзина.

Во Хитрино е прогласена вонредна состојба која ќе трае сè додека не се добие потврда за целосна безбедност на теренот.

Луѓето во селото се евакуирани, а денеска продолжува ладењето на цистерните, за потоа да почне нивното отворање, процес кој е комплексен и опасен.

Во несреќата загинаа седум лица, а 20 објекти биле опожарени.

Западен Балкан се дави во сулфур диоксид, РЕК Битола меѓу најголемите загадувачи на воздухот

Државите од Западен Балкан и понатаму се дават во сулфур диоксид од застарените термоелектрани, покажува најновиот извештај „Усогласи или затвори“ од Бенквоч (Bankwatch). Во четирите најголеми загадувачи на воздухот влегува и...

Гори депонија, црн чад се гледа од Шуто Оризари

Голем црн чад од пожар на депонија во Шуто Оризари денеска се гледа од повеќе населби во градот. Според информации од Бригадата за противпожарна заштита на Градот Скопје, депонијата се наоѓа...

Играта Two Point Hospital е бесплатна на Епик Гејмс до четврток

Играта Two Point Hospital, која е пародија на популарната „Sims“, но сега сместена во болница, e бесплатна на Epic Games до четврток. Се работи за инвентивна игра, полна со многу хумор. Во...

Од ЕСМ за хаваријата во РЕК Битола го обвинија СДСМ

Новото раководство на АД ЕСМ ја обвини претходната власт предводена од СДСМ за катастрофалната состојба во која ја затекнало компанијата, посочувајќи дека РЕК Битола и РЕК Осломеј се во континуирана борба...

Западен Балкан се дави во сулфур диоксид, РЕК Битола меѓу најголемите загадувачи на воздухот

Државите од Западен Балкан и понатаму се дават во сулфур диоксид од застарените термоелектрани, покажува најновиот извештај „Усогласи или затвори“ од Бенквоч (Bankwatch). Во четирите најголеми загадувачи на воздухот...