Грчкото обвинителство смета дека немало обид за поткуп на пратеникот Павлос Хаикалис. Обвинителството го стави случајот ад акта и со тоа ги одби обвинувањата на Хаикалис дека постоел обид да го поткупат за да гласа за владиниот кандидат за претседател.
Конечниот став на обвинителството е дека обвинувањата на Хаикалис се неосновани. Обвинителот оценил дека аудио-визуелниот документ што е доставен до судот, на кој е снимен разговор меѓу Хаикалис и обвинетиот Јанис Апостолопулос, поранешен советник на Независни Грци, е нелегален и не може да се искористи.
Опозициската СИРИЗА се сомнева во одлуката, коментирајќи дека е сомнителен начинот на кој е спроведена истрагата.
Првиот човек на Независни Грци, Панос Каменос, незадоволен од одлуката изјави дека е крајно време „грчкиот народ да ја стави владата ад акта“.
М.П.