Не сакам да разговарам за „план Б“, мора да успееме, одговори премиерот Зоран Заев на новинарско прашање, дали државата има „план Б“, ако во декември не започнат преговорите за членство со ЕУ.

Тој додаде дека како премиер никогаш во Владата не разработувале „план Б“, бидејќи во тој случај би се откажале од „план А“.

Во однос на недоразбирањата со Бугарија и можноста од блокади, Заев верува дека постојат решенија за прашањата кои се предизвик.

Тој изјави дека верува оти Македонско-бугарската мешовита комисија за историски прашање која заседава, ќе успее да најде решение.

– Ние сме меѓусебно историски поврзани како регион и таа врска од минатото треба да нѐ направи пријатели, а не да нѐ разделува. Претстои период на објавување позитивни информации – додаде Заев.

Тој потенцира дека има доволно време да се разгледаат и другите отворени политички прашања, со цел на вземно задоволство да продолжат процесите на евроинтеграција на земјава со одржувањето на првата Меѓувладина конференција со ЕУ во декември.