fbpx

Не може да се купи Самсунг телевизор за 125 денари

Доколку се посети официјалната страница на „Амазон“ (amazon.com) и се пребарува „Samsung“ телевизор од истиот модел како од ФБ објавите, ќе се добие понуда со цена од 427 американски долари. Телевизор за 125 денари не постои.

-

Доколку се посети официјалната страница на „Амазон“ (amazon.com) и се пребарува „Samsung“ телевизор од истиот модел како од ФБ објавата, ќе се добие понуда со цена од 427 американски долари. Телевизор за 125 денари не постои. И на официјалната Фејсбук страница на претставништвото на Самсунг во Македонија, не може да се најде понуда на телевизор од 125 денари, пишува „Вистиномер“ во својата анализа.

Текстот подолу го пренесуваме во целост:

 

Пост на Фејсбук нуди „Samsung“ телевизори по неверојатно ниска цена – 120 денари. Станува збор за измама којашто се пушта спонзорирано за да стигне до што поголем број корисници.

Амазон го раскина договорот Со Самсунг и продава ТЕЛЕВИЗОРИ Samsung QKED за 125 динари.
Следете ја врската! Бројот на производи е ограничен!!, се вели во објавата која ја анализираме.
За да го нарачате телевизорот, објавата ве води на веб-страница на која се бара од вас да пополните анкета со цел да дојдат до вашите лични податоци.

За измамата да биде поверодостојна тука може да се видат и спам-ботови кои „сведочат“ дека наводно го добиле телевизорот за само 125 денари. Споделуваат и фотографии со цел да ги убедат корисниците на социјалните мрежи да наседнат на измамата. Доколку се проверат тие профили на Фејсбук ќе се види дека за нив нема никакви информации.

„Амазон“ е една од најголемите светски компании за е-трговија со седиште во САД. Доколку се посети официјалната страница на „Амазон“ (amazon.com) и се пребарува „Samsung“ телевизор од истиот модел како од ФБ објавите, ќе се добие понуда со цена од 427 американски долари. Телевизор за 125 денари не постои.

И на официјалната Фејсбук страница на претставништвото на Самсунг во Македонија не може да се најде понуда на телевизор од 125 денари.

Фејсбук страницата која нуди Самсунг телевизор за 125 ден, не содржи никакви податоци – ниту седиште, ниту фирма, ниту контакт телефон.

Креирањето на лажни Фејсбук страници од страна на непознати креатори со името и логото на познати брендови, неверојатни промоции и лажни наградни игри се покажа како тренд кој мошне добро функционира во Фејсбук просторот, а чија цел е манипулација и собирање на лични податоци на оние корисници кои ќе наседнат на измамата.

Целта на овие страници е да споделуваат лажни објави за да генерираат сообраќај, но и да измамат што поголем број граѓани.

Поради сите горенаведени факти, постот што го рецензираме го оценуваме како невистинит.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...