Земјотрес со јачина од 2.0 според Рихтеровата скала и интензитет од II-III степени според Европската макросеизмичка скала беше регистриран попладнево во 16:07 часот од страна на Телеметриската сеизмолошка мрежа на Република Северна Македонија, соопшти Сеизмолошката опсерваторија при Природно-математичкиот факултет во Скопје.
Земјотресот се случил во епицентралното подрачје Св. Николе – Штип, 65 километри југоисточно од Скопје и беше почувствуван од населението во Штип и околината.
Ова е четврт земјотрес што го погоди регионот на Штип за три дена.