fbpx

Наумов: Министерството за правда да одговори дали издало мислење за еврообврзницата

-

Никола Груевски и соработниците противзаконски ја издадоа еврообврзницата и за ова огромно незаконско задолжување на граѓаните од 450 милиони евра најавуваме дека ќе има одговорност, изјави денеска претседателот на комисијата за финансии на СДСМ, Кире Наумов, на прес-конференција.

Според него, јасна е намерата на Груевски да врши корупција во предизборниот период. Наумов дека СДСМ ќе ги искористи сите механизми за да спречи непродуктивни трошења со кои власта ги задолжи граѓаните.

– Укажуваме дека министерот за правда не смее да се крие и мора јавно да излезе и да одговори дали Министерството за правда има издадено правно мислење за правната важност за издавањето на оваа еврообврзница. Министерството за финансии тврди дека има. Доколку и денеска министерот за правда не излезе да ги расчисти дилемите, сметаме дека тој и неговата партија ДУИ се исто така соучесници во финансиското злосторство што го направи ВМРО-ДПМНЕ по налог на Никола Груевски – додаде Наумов.

Тој истакна дека граѓаните треба да знаат дека сè до денеска во ставката депозити во ребаланост на буџетот не било планирано да се пренесат средства во 2017 година.

– Според нашите информации, денеска со нова манипулација се обидуваат да направат дополнување на ребалансот, што говори на што сè е подготвена оваа власт кога се пари во прашање. На идните генерации оваа неодговорна криминално-корупциска власт им натовари нов долг од 450 милиони евра и плус камати. Новото задолжување ќе ги чини граѓаните вкупно 627 милиони евра – додаде Наумов.

Тој истакна дека со вчерашното задолжување, власта јавниот долг го зголеми за повеќе од 3 милијарди евра и од вчера долгот е на ново историско ниво од речиси 5 милијарди евра или повеќе од 50 проценти од домашниот бруто-производ (БДП).

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...