fbpx

Наумов: Министерот за финансии ја прекрши постапката за утрешната аукција

-

Министерот Ставрески на 29 јануари, соочен со рекордниот износ на јавниот долг од 4,224 милијарди евра, свесен за состојбата на државната каса, ги прекрши Законот за јавен долг и подзаконските акти што ги регулираат начинот и постапката за издавање и за исплата на државни хартии од вредност, реагира дополнителниот заменик-министер за финансии, Кире Наумов, во врска со закажаната аукција на домашни хартии од вредност за утре.

– Во правилникот за начинот и за постапката за издавање и за исплата на хартии од вредност, најдоцна до 14 часот во работниот ден, четири работни дена пред денот на одржување на аукцијата, се дефинира проспектот за аукција на државни записи и/или проспектот за аукција на државни обврзници и преку електронскиот систем се доставува до агентот (Народна банка на РМ). Министерот Ставрески ги дефинираше проспектот за аукција на државни записи и проспектите за аукција на државни обврзници за аукцијата закажана на 29 јануари за 2 февруари, односно три работни дена пред денот на одржување на аукцијата – се вели, меѓу другото, во соопштението од дополнителниот заменик-министер за финансии, Кире Наумов.

Тој најавува жалба до Државна комисија за одлучување во управна постапка и постапка при работен однос во втор степен, со која ќе го оспори одржувањето на аукцијата утре поради прекршување на постапката од страна на министерот за финансии.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Изложба „Уметници и бегалци“ во Чифте Амам

Изложбата „Уметници и бегалци“ ќе се отвори во вторник (2 aприл) во Националната галерија Чифте Амам во скопската чаршија. Делата на изложбата се инспирирани од сведоштва кои биле директно раскажани...