Денеска завршува најголемата воена вежба на НАТО во последните 13 години, која се одржа во Италија, Португалија, Шпанија, на Средоземно Море и на Атлантскиот Океан, но и во Канада, Норвешка, Белгија и во Холандија.
Во вежбата учествувале 140 авиони, 90 бродови и подморници, 36.000 војници, морнари, пилоти од повеќе од 30 земји, меѓу кои и Австрија и Швајцарија, кои не се членки на НАТО.
– Воените вежби на југот на Европа се најголеми во последните 13 години и претставуваат предупредување за сите потенцијални противници, вклучувајќи ја и Русија. НАТО се прилагодува на новата нестабилност и се подготвува за насилствата што се случуваат на Блискиот Исток и на северот на Африка – изјави генералниот секретар на алијансата, Јенс Столтенберг.