Наставник во основното училиште „Исмет Јашари“ во кумановското село Липково вчера попладне, околу 14.45 часот, пријавил дека слушнал пукотници и нашол куршум пред влезот на спортската сала на училиштето, информираат од МВР.

Според полицијата, наставникот С.А. (45) од Липково на полициските службеници што дошле на местото им рекол дека додека имал час, околу 14.30 часот, слушнал неколку истрели. Тој излегол надвор и во дворот, непосредно пред влезот од спортската сала, го забележал проектилот.

Засега нема информации за видот на оружјето од кое е пукано, а полицијата презема мерки за расчистување на случајот.