Насилствата од претходните денови, кога во Скопје групи насилници напаѓаа и тепаа граѓани, продолжиле и вчера, се дознава од најновиот полициски билтен. Вчера во Скопје имало два такви напади.

Првиот се случил во автобус на ЈСП, кој сообраќал на линијата 50. На автобуската постојка кај АСУЦ, околу 13 часот, 16-годишник бил физички нападат од неколку засега непознати насилници. Потоа тие се симнале од автобусот и избегале.

Половина час претходно бил нападнат 18-годишник, во автобус на ЈСП на линијата 68, додека сообраќал од Маџари кон АСУЦ. Во еден момент тинејџерот бил без причина нападнат од седум-осум непознати лица, кои потоа избегале.

Полицијата вели дека работи на откривање на сторителите.