fbpx

Нападната екипата од „А1он“ на протестот „За заедничка Македонија“ во Скопје

-

Екипата на порталот „А1он“ вечерва била нападната и претепана кај Триумфалната капија за време на протестот на граѓанската иницијатива „За заедничка Македонија“.

Петмина учесници на протестот, на крајот на собирот, ги нападнале снимателот Владимир Желчески и новинарот Александар Тодевски додека професионално го следеле настанот. Напаѓачите ја скршиле камерата на „А1он“, а Желчески и Тодевски, поради добиените повреди, се наоѓаат во Ургентниот центар.

„Со тупаници по глава и по телото, вечерва беа нападнати снимател и новинар на ’А1он’ од демонстранти пред Собранието на Република Македонија. И двајцата со возило на брза помош беа пренесени во ургентен центар. Дел од демонстрантите ја искршија и камерата на ’А1он’, по што избегаа од местото. Граѓанската иницијатива „За заедничка Македонија“ која е организатор на протестот очигледно не успеа да ги заштити медиумските работници. ’А1он’ ќе поднесе пријава против организаторот и ќе бара надомест на штета за дивјачкото и примитивно однесување“, соопштија од порталот „А1он“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...