fbpx

Намонтирана ракета во видео шири дезинформации дека експлозијата во Бејрут била поради напад

-

Во рамките на својата програма за борба против дезинформациите и лажните вести, што на Балканот многу лесно ги минуваат границите и бргу осамнуваат во медиумите на друга држава и понекогаш и на друг јазик, „Мета.мк“ редовно пренесува што е актуелно кај сродните сервиси за проверка на фактите и борба против дезинформациите во регионот, односно од БиХ на север, до Грција на југ.

Грчкиот сервис за борба против дезинформациите ellinikahoaxes.gr направи анализа на едно видео што се пласира и меѓу грчките корисници на социјалните мрежи, а за кое се тврди дека покажува оти експлозијата во Бејрут што уби околу 160 луѓе и нанесе огромни материјални штети е предизвикана од ракета.

Во спорното видео, за кое како основа е земено реално видео, и потоа е „фотомонтирана“ ракетата, во еден миг се гледа наводна ракета која ја предизвикува големата експлозија.

Но анализата на ellinikahoaxes.gr на видеото, во споредба со друго видео, кое е искористено како основа на монтираното видео, јасно покажува дека е подоцна вметната ракета.

До истите сознанија, дека видеото е монтирано и прикажува невистинита ситуација, претходно дошле и проверувачите на факти fatabyyano.net.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...