Во поплави што ноќеска го погодиле главниот град на Грузија, Тбилиси, загинале најмалку осум луѓе, а имало пријави и за исчезнати во надојдените води, пренесува ХРТ.

Од силниот дожд, надојдената река Вере, која тече низ градот, однела десетици згради и автомобили.

Животните од градската зоолошка градина побегнале од своите кафези, оштетени од дождовите. Меѓу избеганите животни имало шест тигри, шест лавови и осум мечки.

Побегнале вкупно 50 опасни животни, а полицијата во близина на детската болница застрелала шест волци.

Од полицијата ги повикале граѓаните да не излегуваат од своите домови.