fbpx

Најмалку 39 лица биле убиени при израелските напади во северниот дел на Газа

Фадел Наем, директор на болницата Ал-Ахли во Газа, изјави дека повеќе од триесетина тела пристигнале во болницата

-

Најмалку 39 лица загинале при напади низ северниот дел на Газа вчера а спасувачките екипи се обидуваат да најдат преживеани под урнатините, пишува Асошиејтед прес.

Фадел Наем, директор на болницата Ал-Ахли во Газа, изјави дека повеќе од триесетина тела пристигнале во болницата. Палестинската цивилна одбрана, група за итни случаи активна во Газа, соопшти дека нејзините работници за итни случаи барале преживеани на местото на нападот во бегалскиот камп Шати западно од градот Газа и известуваат дека извлекле неколку десетици тела од зграда.

Израел во саботата соопшти дека нивните борбени авиони нападнале две воени локации на Хамас во областа на градот Газа, но не дадоа повеќе детали околу операцијата.

Ова се случува еден ден откако најмалку 25 луѓе биле убиени при напади врз шаторски кампови во близина на јужниот град Рафах.

Израел во саботата соопшти дека продолжува со инвазијата на Рафах, каде над еден милион Палестинци побарале засолниште од нападите.

Повеќето од нив сега го имаат напуштено градот, но Обединетите нации велат дека ниту едно место во Газа не е безбедно, а хуманитарните услови се страшни бидејќи семејствата се засолнуваат во шатори и тесни станови без соодветна храна, вода или медицински материјали.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Жена од кочанско Оризари пронајдена удавена во канал за наводнување

Осумдесет и деветгодишна жена од селото Оризари, Кочанско, утрово била пронајдена удавена во канал за наводнување во близина на селото, информираше Министерството за внатрешни работи (МВР). Удавената жена ја пронашол...