fbpx

Најголемата мерка на доверба е деблокада на интеграциите, му порача Иванов на Коѕиас

-

Најголемата мерка што ќе влијае на меѓусебната доверба и ќе создаде уште подобра атмосфера е Грција да ги деблокира евроатлантските процеси на Македонија и да овозможи да не ѝ се ускратува правото на просперитет, истакнал претседателот на државата, Ѓорге Иванов, на средбата со шефот на грчката дипломатија, Никос Коѕиас, кој денеска е во посета на земјава.

Иванов и Коѕиас, како што соопштија од кабинетот на претседателот, разговарале за севкупните билатерални односи меѓу Македонија и Грција. Македонскиот претседател оценил дека интензивирањето на севкупната соработка меѓу двете земји ќе придонесе за создавање позитивна клима за надминување на разликите околу името.

„Македонскиот претседател го реафирмираше интересот на Република Македонија за одржување на политичкиот дијалог на највисоко ниво. Во таа насока, претседателот Иванов изрази надеж за средба со претседателот Прокопис Павлопулос, и покрај неговите чести критики кон Република Македонија, и изрази очекување дека реториката во иднина ќе биде поумерена заради унапредување на добрососедските односи во духот на европските вредности и стандарди“, стои во соопштението за средбата.

Иванов истакнал дека очекува грчкиот премиер Алексис Ципрас да учестува на самитот на Брдо-Бриони процесот, чиј домаќин следната година ќе биде македонскиот претседател.

Двајцата соговорници размениле мислења и околу можниот развој на мигрантската криза, при што Иванов изразил подготвеност за продлабочување на соработката меѓу разузнавачките и полициските служби.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...