Најавена е најновата Warcraft игра за мобилни телефони и ќе биде наменета за деца. Целосното име на играта е Warcraft Arclight Rumble и ќе биде бесплатна “tower defense” тип на игра, жанр што е многу популарен кај најмладите.
Првично иако планот на Blizzard бил Warcraft играта за мобилни телефони да биде слична на Pokemon Go на крајот планот е сменет и креирана е, како што велат, “tower offence” игра. Играта e базирана на напаѓање повеќе одошто одбрана со кули, во играта можете да отклучите 60 херои и да се борите против најразлични карактери веќе препознатливи и етаблирани во “Warcraft” универзумот.
Засега, водечка игра од игрите за мобилни телефони е Genshin Impact со најмногу корисници, но не се знае каква ќе биде иднината на игрите за мобилни телефони особено со новите објави на Blizzard со оваа игра и играта Diablo Immortal.
Во Warcraft Arclight Rumble ќе можете да играте и против други играчи, а и заедно со други играчи бидејќи во играта ќе има и Dungeons и Raids. Главен ресурс во играта е „злато“ со кое повикувате единици кои можете постепено и да ги надградувате. Има многу мапи и различни нивоа со различен амбиент во кои може да се игра.
Исто така во зависност од фракцијата што ќе ја одберете имате различни предности. На пример, ако одберете Алијанса ќе ви се зголемат дефанзивните способности, ако одберете Хорда ќе бидете по офанзивни, а има за бирање и помеѓу Undead и Beasts.
Според видеата, и оваа игра ќе биде исполирана во стилот на другите Blizzard игри и може да биде многу „заразна“ за играње. Но, иако е Free to Play ќе бара и понов модел на мобилен телефон за да може да се игра. Уште веднаш можете да се пред-регистрирте за играта преку Battle.net платформата за игри што дава различни бонуси.
