На предложените измени на Изборниот законик поднесени се над шест илјади амандмани.

Измените се поднесени од 15 пратеници од помалите партии кои предлагаат една изборна единица и отворени листи.

На денешната собраниска седница се предложени два предлог-закони за измени и дополнувања на Изборниот законик. Првиот предлог-закон предвидува измена на изборниот модел од шест во една изборна единица во Републиката со 120 избрани пратеници, а вториот предлог-закон, пак, се однесува на локалните избори и воведување отворени листи за избор на советници.

Во вториот предлог исто така се предвидува замена на родовата квота од 40 проценти со наизменичен еднаков број мажи и жени на листите за парламентарни и за локални избори.