Повеќе од 30 компании заинтересирани да станат нови сопственици на „Џумајлија“

-

Повеќе од 30 домашни и странски компании се заинтересирани за закуп на земјиштето што му беше дадено на контроверзниот индискиот бизнисмен Субрата Рој во Лозово, потврди министерот за земјоделство, шумарство и водостопанство, Михаил Цветков, кој денеска беше во посета на Свети Николе и на Овчеполието.

Со распишаниот меѓународен тендер за закуп, се прави нов обид да се најде концесионер за некогашното земјиште на АД „Џумајлија“ во стечај. Од 4.800 хектари земјоделска површина, околу 200 хектари ќе бидат понудени на малите земјоделци во регионот, кои и сега го работат земјиштето.

Според огласот, заинтересираните домашни и странски инвеститори до 9 октомври ќе можат да ги доставуваат своите бизнис-понуди, по што ќе се одржи јавна електронска аукција.

Министерството за земјоделство пред извесно време ја активираше банкарската гаранција од три милиони евра и го раскинa договорот со Субрата Рој за „Џумајлија“, кој требаше да донесе првични инвестиции од 211 милиони евра.

Индискиот бизнисмен во март минатата година, беше уапсен затоа што на инвеститори не им вратил повеќе од две милијарди фунти, на кои незаконски им биле продавани обврзници.

Според договорот, компанијата на бизнисменот Рој беше должна за три години да набави 20.000 крави. На земјиштето од околу 6.000 хектари беше предвидено да се произведува добиточна храна, да се одгледува стока и да се направи регионална млекарница во која дневно требаше да се произведуваат 80.000 литри млеко.

Куќниот притвор заменет со притвор за осомничениот за нападот врз Арсовска

Кривичниот совет на Основниот кривичен суд Скопје постапувајќи по жалба на Основното јавно обвинителство Скопје поднесена против решение на судија на претходна постапка од 12.07.2025 година, ценејќи ги наводите во жалбата...

Лекар од Струга со истечена лиценца, 4 години земал плата и додатоци

Четириесет и две годишен лекар од Струга, четири години земал плата и додатоци на плата, иако немал валидна лекарска лиценца, соопшти МВР. „Во периодот од 15 јули 2020 година, од кога му...

„Сапорт Кочани“ ја реализираше донацијата за Универзитетската клиника за пластична хирургија во Скопје

Граѓанската иницијатива „Сапорт Кочани“ донираше медицинска опрема за третман и рехабилитација на повредените од трагичниот настан што се случи на 16 март 2025 година во кабаре клубот „Пулс“ во Кочани. Донацијата...

Започна електронското пријавување за сместување во студентски домови за 2025/2026

Од денеска, студентите од втора и повисоките години можат електронски да аплицираат за сместување во државните и приватните студентски домови за академската 2025/2026 година. Како што информира Министерството за образование и...

Куќниот притвор заменет со притвор за осомничениот за нападот врз Арсовска

Кривичниот совет на Основниот кривичен суд Скопје постапувајќи по жалба на Основното јавно обвинителство Скопје поднесена против решение на судија на претходна постапка од 12.07.2025 година, ценејќи ги наводите...