Лидерот на СДСМ, Зоран Заев, нема да биде приведен, туку, како мерка, ќе му биде одземен пасошот, неофицијално се дознава од Јавното обвинителство.
Во полициската акција „Пуч“, осомничен е и лидерот на СДСМ, Зоран Заев, кој заедно со Зоран Верушевски, уапсен пред две недели, и со уште две лица, се товари за обид за загрозување на уставниот поредок и за недемократско преземање на власта, односно суспендирање на волјата на граѓаните. Како што информираат од МВР, во досегашната истрага било утврдено дека осомничените лица, преку употреба на незаконски средства на следење и на шпионирање и со закани кон високи државни функционери, сакале да извршат преврат и да изнудат разни услуги.
Денеска, во 14 часот, пак, прес-конференција ќе одржи премиерот Никола Груевски.
