Фамилиите на повредените и загинатите во големата трагедија во дискотеката „Пулс“ во Кочани бараат информации за своите блиски преку социјалните мрежи.
Активно се објавуваат информации со фотографии, имиња и телефонски броеви доколку некој знае во која болница се настраданите веднаш да пријави дека се на безбедно и им е укажано помош.
Дополнително преку социјалните мрежи се известува дека на болницата во Кочани ѝ е потребно вода, кислород и физиолошки раствор. Инстаграм профилот „Креативери“ ги објавува исчезнатите со броеви за контакт.
Јавното обвинителство утрово соопшти дека точниот број на жртви и повредени во пожарот се утврдува. „Сè уште се преземаат дејствија и се врши увид“, велат од обвинителството.
Министерот за внатрешни работи Панче Тошковски најави прес-конференција во 9 часот.
