Општинската организација на СДСМ, со соопштение, критички се произнесе за најновиот зафат на локалната власт во Охрид – новата фонтана.
– До каде оди неодговорноста на власта на Груевски и на ВМРО-ДПМНЕ покажува токму новата, штотуку пуштена во употреба, фонтана. Само на еден метар од фонтаната, а истовремено на еден метар и од градинка и од училиште, како во џунгла да се наоѓаме, а не на главна улица. На метар од детска градинка и училиште расте шума во која има разни животинки, од глувци до змии, а некогаш просторот се користи и како јавен тоалет на случајните минувачи – се вели во партиското соопштение.
Понатаму се додава дека власта на ВМРО-ДПМНЕ е заинтересирана за скапи канделабри и за градење и за уривање на фонтаната и по неколкупати, но не и за рационално уредување на околината, каде секојдневно играат деца.
– Градоначалникот Бакрачески со леснотија прифати да ги следи политиките на неговиот ментор, премирерот во заминување Никола Груевски, во кои очигледно бизнис-интересите се пред интересите на граѓаните – се вели во соопштението на СДСМ.
