На првиот ден од пописот, 5 септември 2021 година до 20 часот се опфатени 94.975 лица, 28.594 домаќинства и 37.544 станови, објави Државниот завод за статистика.
Ваквите бројки премиерот Зоран Заев ги оцени како исклучителе успех на стартот на пописот во земјав кој не е одржан две децении.
„Вчера се чуствував горд граѓанин во оваа наша земја, затоа што после 20 години со апелот на сите политички субјекти, на сите општественици, со професионалниот кадар на статистика под раководство на директорот Апостол и заменикот директорот, пред сè, нашите граѓани во педесетина региони исклучително успешно стартуваше пописот во нашата земја. Последниот податок покажува дека некаде 94.500 граѓани се попишале, што е исклучително успешно имајќи предвид дека е недела и дека е прв ден за попис. Сакам да им честитам на сите попишувачи, но најмногу на сите граѓани“, рече Заев.
Премиерот посочи дека прашалникот содржи прашања за статистички податоци, дека дури и за време на пандемија тоа е возможно да се спроведе затоа што физичките дистанци се одржуваат.
