Саудиската воена коалиција која се бори против јеменските бунтовнички сили, наведе дека бомбардер по грешка целел на погреб во Сана, при што биле убиени 140 луѓе.
Во соопштението на саудиската војска се наведува дека поради тоа ќе биде поведена дисциплинска постапка.
Нападот, кој се случил на 8 октомври, предизвика меѓународни реакции и силна критика од западните сојузници на Саудиска Арабија.
Заради непочитување на коалиционите договори и процедури, како и поради издавање неточни информации, авионот бил насочен на погрешна локација што довело до смрт на голем број цивили.
