fbpx

На островот Вис пуштена во работа најголемата соларна електрана во Хрватска

-

Хрватското електростопанство (ХЕП) ја пушти во работа сончевата електрана на островот Вис, најголема во земјата и вредна 4,1 милион евра. Електраната е прва по ред од седумте соларни електрани кои ХЕП планира да ги пушти во перидот од 2019-2023 година, во рамките на циклусот планиран за нивна изградба, кој е во вкупна вредност од 99,4 милиони евра.

Со изградба на соларната електрана, Вис доби сопствен извор на обновлива енергија и поголема сигурност во снабденоста со електрична енергија, посебно во периодот на зголемена потрошувачка во текот на летната туристичка сезона, пренесува регионалниот деловен портал СЕЕбиз (SЕЕbiz).

Соларната електрана Вис е првата голема електрана изградена на хрватски острови, нејзината јачина е 3,5 мегавати и годишно ќе произведува, целосно на пазарна основа, околу 5 милиони киловат-часови струја, што одговара на потрошувачката на 1.600 домаќинства.

Оваа електрана е лоцирана на земјиште со површина од 5,5 хектари, на брдото Грижева главица, на 3,6 километри југозападно од градот Вис и 4,8 километри источно од Комиж.

Работите на изградбата на оваа електрана ги изведе „Кончар инженеринг за енергетика и транспорт“, и во неа инсталира 11.200 фотонапонски модули од сопствено производство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...